Ar Mi 絕育記

Ar Mi  desexed  左喇,昨日12:40 pm 約左去獸醫度做絕育,

手術前要 10 小時禁水禁食, 朝早起身我知Ar Mi 好肚餓,

不停在我腳邊磨蹭想食野, 但唯有忍心 D 困入房中,

夜晚 8:00 去接 Ar Mi , Ar Mi 一見到我就咕嚕咕嚕,

見到Ar Mi 對眼好似淚眼汪汪, 好心痛, Ar Mi 一定好痛...

坐的士回家途中唔知點解Ar Mi 不停在袋內掙扎, 亂撞亂爪

一向Ar Mi 坐車都坐定定, 可能因為戴住頭罩唔鐘意,

我真係驚Ar Mi 傷口會爆線, 我唯有不停叫 " Ar Mi 乖乖喇" 安撫下,

但都冇乜用, Ar Mi 仲不停掙扎,

司機可能知道, 我明顯感覺到佢開快左好多,

到落車我話有寵物, 叫司機多收寵物費, 司機好好人笑笑口話"由佢喇" , 真好人 !!!

返到屋企幫 Ar Mi 用暖毛巾抹身同手腳,

再幫Ar Mi 除左頭罩, 著住我DIY 嘅防舔衫(睇其他貓blog學 )

我見到Ar Mi 肚仔D毛剷左, 傷口還未看得清Ar Mi 就掙脫我走開,

但 D 麻醉藥應該未過, 仲手軟腳軟,

夜晚10 點幾我比Ar Mi 食少少野, 但 Ar Mi 食完又似想嘔,就冇再餵.

等夜少少再餵已經無事,仲食晒成罐 罐罐

之後抱住Ar Mi 訓教教, 等Ar Mi 訓左終於可以睇下Ar Mi 個傷口

我見人地 D 貓貓傷口係一條線, 但 Ar Mi 傷口唔似一條線

而且又有舊唔知係Ar Mi 嘅毛定棉花嘅野遮住個傷口,

我又唔敢亂攪, 醫生話傷口唔使拆線, 不用覆診, 大約2星期痊癒

Ar Mi 要叻女呀, 快D好返~~