咚咚驚青打針記

之前o係其他 BLOG 見到一篇關於貓打針之後,
貓貓打針的位置生了一種叫做VAS 貓之惡性纖維腫瘤的文章.
睇完一路都好擔心, 因為講到VAS 個病係關打針事,
而且仲話金吉拉貓/波斯貓患上風險更高.
雖然3隻衰豬已經過晒期打針, 但一路都唔敢去.
最後多得一位獸醫解釋返俾比知.
知道貓每年一支既針係三合一針.
三合一針令貓貓患上惡性腫瘤機會好微.
而通常令到貓貓患上惡性纖維腫瘤既針係貓的白血病針.
所以我可以放下心頭大石.

首先就帶咚咚去先,
佢係全屋企最最最細膽o個個
每逢有人按門鐘,走得最快就係佢,
有陌生人入黎,
一定跳上上格床再自已捐落張被入面,

未去獸醫診所之前,都擔心佢會唔會嚇暈或者叫到拆天,
成年幾未出過街, 都唔知會點...
結果, 性格真係改變唔到,
磅重時想搵地方逃走
姑娘幫咚咚探熱時,
佢嚇到"o必"  左幾敵尿落張檯度,
獸醫幫咚咚檢查,個身扁晒,郁都唔郁.
打針時都唔郁,
獸醫讚佢乖,
姑娘就話咚咚驚到無反應.(我都認為係咁)

咚咚驚左二個幾三個鐘,夜晚返到屋企就大覺訓.
我諗咚咚一定好累,訓到唔記得縮返條"月利"入口
咚咚熟睡時的傻樣,真係好傻,好攪笑!