Bu B 打針變擔心...
原先約了 Bu B 今日去打針, 結果醫生 body check 完之後話 Bu B 有一邊腎細左,
獸醫又問我Bu B 係咪最近飲多左水,去多左廁所,
的確我發現 Bu B 最近兩星期係飲多左水, 不過尿尿唔覺多左
但以為天氣熱, 口渴
而且最近E半年轉食左奧雲寶 , 聽人講可能會飲多左水,
因為烘乾糧熱氣D.
不過我每日都會用針筒餵水, 熱氣我心諗都唔怕喇.
而且Bu B胃口又無變, 精神又好好, 日日都 食,玩,訓,一切正常
所以真係唔覺 BuB 唔舒服,
所以今日獸醫咁樣同我講, 真係好擔心,
針針最後無打到, 宜家要驗小便,
諗住拿拿聲返屋企等 Bu B 痾尿再o係診所關門前拎去驗,
抱Bu B 入廁所,佢又走出黎, 再抱再走,攪左好耐都唔肯痾,
最後都趕唔切, 放棄...
雖然姑娘話貓貓留小便比較困難,
不過自已諗左個辦法,
就係等Bu B要尿尿時, 等佢痾緊既時候,用個無窿既貓砂剷接住 D 尿尿.
沒有留言:
發佈留言