Bu B 驗尿報告

之前獸醫叫 BU B驗尿,第二日就即刻拎Bu B D尿尿返診所,
結果醫生唔響度,姑娘話醫生聽日先返,
姑娘幫我用試紙驗左,初步結果係尿有蛋白,PH 7.其他Negative,上網睇過尿有蛋白可能腎有事.
但醫生唔響度,又要擔心多一晚.
原先都擔心Bu B 可能先天性個腎有事,
知道金吉拉,波斯貓種比較易有先天性腎病,
所以叫姑娘比多個樽仔我, 想幫 Ar Mi 驗埋尿.

第二日, 獸醫覆返我,
佢話 Bu B 個驗尿報告o係顯微鏡下睇到有結晶( struvite crystals)
其他都係 negative, 結晶方面要食處方糧改善,等2-3個月再驗尿睇下有無改善
至於個腎細左, 可能先天性較正常貓細,但腎無事.
終於放下心頭大石, 獸醫話可以帶返 Bu B 去打針,
原先有多個樽仔,打算留 Ar Mi D 尿尿,
宜家Bu B 無事, 而且 Ar Mi 上兩星期先打過針,檢查過.
所以就轉移目標, 打算帶咚咚去檢查一下,
結果咚咚一切正常,
安心晒!
之前用針筒每日餵水都攪到 Bu B 尿結晶
即是水份都唔足夠,
以後要餵佢地飲多 D 水先得