咚咚病重了

從小到現在3歲多,咚咚都沒有病過,但今次咚咚病重了.令我非常擔心.
feline pyothorax


2014年5月13日
一切正常,和平常一樣,沒有不妥
零晨時份,我上床睡覺,以往我一上床睡覺不久,咚咚便會跟上來,按摩,但那日沒有,我亦不以為意.


2014年5月14日
早上出門前咚咚在睡覺,一向咚咚早上都很愛睡,晚上就好活躍,我亦不以為意.
晚上回家,發現咚咚沒有精神,身體很熱,沒胃口,呼吸急促,致電獸醫診所約了翌日看醫生.
整夜沒睡陪著咚咚,自己用電子探熱針幫咚咚肛探,有105度(發燒)
用濕布抹身,針筒喂水,喂食
再數咚咚呼吸頻律對比Ar mi
咚咚/每分鐘69下呼吸
Armi/每分鐘34下呼吸
明顯咚咚急促一倍
再發現咚咚尿很黃.變成差不多黃啡色,大便變硬和細粒.


2014年5月15日
早上帶咚咚到九龍動物醫院.
做了抽血,驗尿(自己帶了一樽早上咚咚的尿,驗完醫生說要做多次用針直接於膀肛抽取尿液的驗尿),吊鹽水.需要留院照X光,
照了X光發現肺部白了,醫生認為肺積水.
建議抽走肺部積水.
之後獸醫說有可能心臟有事,有可能生癌或其他感染.
心臟要照心臟超聲波,但診所無.建議我去太平道照.
肺部抽出來的水,醫生說拿去化驗.但因為佢地無得照心臟超聲波我拒絕化驗.
即日要求帶咚咚出院,打算翌日睇另一醫生.

回家,咚咚開始有返精神,自己去吃乾糧.
幫咚咚探熱,燒己退,還會在家中走來走去.
心裡安心了一點.

2014年5月16日
早上,咚咚情況都良好.只係比較累.
但呼吸己沒有昨天那麼急亦沒有發燒
幫咚咚數了呼吸   45-50左右/每分鐘
但今天打算去睇的另一位醫生原來沒有照心臟的超聲波.唯有取消 Booking
致電九龍貓醫院.職員也建議去太平道
一開始不去太平道就是知道費用高昂.
希望能找到一間便宜一些,負擔少些.
最後也致電了太平道預約睇心臟專科.
約期最快都要等到 21日

晚上發覺咚咚又開始熱,再肛探量體溫,又去到105度.
幫咚咚用濕布抹身,針筒喂水.
之後發現咚咚呼吸又急促了.好似要好用力才呼吸到.
致電太平道睇急症,等了約2小時(原來動物急症都要等咁耐)
獸醫話咚咚唔似心臟病,似膿胸
有水在胸腔,要抽出來化驗看看
需要留院照超聲波,再等化驗結果.

萬一真是膿胸,要造個導管手術插2條管入胸腔,
一條入鹽水,一條導出膿液.
如果唔係.就要再check其他可能.
現在等結果中.但因為星期六.日無得化驗.化驗結果要多等2天

2014年5月17日
打算帶咚咚睇另一獸醫.
因為我俾咗之前肺X-ray同肺抽出黎嘅水whatsapp比另一個獸醫睇.
佢話似心臟有事嘅肺水多過似膿胸.
本身太平道比咗個快期我係照心臟照聲波,
但昨晚太平道急症醫生話唔需要照後己取消.
我今早同太平道姑娘講想照.
安排咗2:30pm照.結果另我好安心,咚咚沒有心臟病.
即係真的是膿胸,最後決定在太平道做手術,始終是24小時醫院.
晚上8時,太平道醫生幫咚咚做手術全麻醉放chest drain
醫生的說話令我很憂心,佢話有可能麻醉完後醒唔返.
仲話係50/50,真的令我非常憂心
等到零晨4時多,姑娘終於致電話手術成功.
等咚咚自己識吞口水就可以"蚊"喉
終於放下心頭大石.明天就可以抽胸入面嘅膿水喇.

2014年5月18日
早上,醫生助手打黎報告咚咚病情
話咚咚抽咗胸水,右邊胸較多,左邊較少,
無發燒,不過呼吸都算急.
下午去探咚咚.
見到醫生,佢話我知一個壞消息.
佢話咚咚唔郁,只係趴喺度無郁過.
醫生問我咚咚入院前係唔係咁.
我話唔係.除咗發燒.無胃口.呼吸快,其他一切正常,行得走得.
我同醫生講會唔會因為傷口痛同包住晒綳帶所以唔郁？！
醫生話觀察幾日先.
晚上再去探咚咚,醫生話可以食野.
帶咗mousses去喂咚咚.
咚咚也是唔郁,趴在竉中.
可能咚咚傷口真係好痛,
抱咚咚出籠食mousses,可能整到佢傷口
比咚咚咬,咚咚第一次咬我,
心很痛,寧願有病係我.
我也不想咚咚受苦

2014年5月19日
早上11時多,醫生助手打黎報告咚咚病情.
助手話咚咚主診醫生放假,由另一位當值醫生睇咚咚.
咚咚無發燒,每日抽三次,抽到十幾ml膿液出黎,又係右邊多D,左邊少D或者無.
下午助手又致電給我.上次化驗報告己經有一份返咗.
話咚咚胸入面有菌,而早2日用嘅抗生素亦岩用,可以殺到隻菌.
宜家等另一份報告返.
夜晚去探咚咚.咚咚好好胃口,姑娘都話咚咚唔郁.腳無力
但我摸咚咚隻腳,咚咚係會縮的.有知覺的.
喂咗咚咚食咗2罐kakato mousses.
食完放咚咚入籠之際,咚咚再一次咬我.
傷口比昨天更深.可想以知咚咚有多痛才令牠咬我.
只希望咚咚快些好.可以拆走胸腔條導管,睇下係咪因為咁佢先成日趴喺度.

2014年5月20日
早上醫生助手打黎再報告咚咚病情.
原來咚咚個主診醫生放假要放到22號先返.
聽到之後有少少唔滿意.
點解放咁耐假唔早D講？
我可以搵當日急症醫生同咚咚做手術
攪到宜家咚咚好似孤兒仔咁.激死...
咚咚都仲係抽到D胸液出黎.
無發燒.但有時呼吸都急咗D.
晚上去探咚咚.精神比早一日好.
有胃口,又係食咗2罐kakato mousses.
不過都係趴喺度唔郁.唯有幫咚咚按下D手腳仔.等可以有血液循環下.
不過咚咚己經6日無去便便,聽日要再同姑娘講下.
咁多日無去便便唔知得唔得.

2014年5月27日
呢幾日咚咚病情己好轉.
咚咚已開始回復百厭本色.
雖然身體仲插住2條管,但每日去探去幫佢一除頭罩佢就會八掛周圍裝.喺籠入面行黎行去.
之前醫生話咚咚唔郁,宜家己經證實到唔係喇.
佢早幾日己經自己行去貓砂盆度尿尿.
手術後第一次見咚咚行路,嗰刻真係好開心.
宜家等咚咚喺胸入面抽唔到野之後可以照多次x-ray.
如果okay,可以拆咗條管.咁就可以好快返屋企.
宜家每日抽出黎嘅水已經越黎越少同清澈
醫生助手話前日抽到0.5同0.1ml.
今日就抽到2ml.但有可能係打入去嘅鹽水.
今日唔落鹽水,睇下聽日仲抽唔抽到.
宜家每日探病都好長氣同咚咚講要叻D.唔好再抽到水就可以出院.要加油.