PKD 多囊腎

養左貓之後,一直都鐘意上網不停學習貓既資訊,

無論飲食,疾病方面.咩都鐘意睇.

一早知道波斯貓同金吉拉貓好易會患上多囊腎.

不過估唔到會發生在BU B身上.

我知道貓貓好易有腎病/尿道問題,

所以三貓由牠們未夠一歲開始我就每日會用針筒餵水,再食supplement.

就係想由細開始保健.等佢地可以少D病,陪我多D.

可惜最後都敵唔過遺傳病.

其實由上次BU B打針,vet話Bu B有一邊腎細,驗尿發現結晶後,

我一直都好想帶BU B去照下ultrasound,睇下會唔會有多囊腎.

但網上資料話我知多囊腎個腎係會比正常大,唔係比正常細.

所以聽獸醫話齋,可能Bu B只係先天有一邊腎係細D.

而BU B又一直食得,訓得,又玩得,個心就諗住都唔使急住去照,

而且上次Dr.To都話唔需要照,又唔需要抽血檢查.

上星期五,終於的起心肝,帶Bu B去照左ultrasound
無多囊腎既話當買過安心,萬一有既話起碼可以喺未嚴重既時候早D知.

結果......

個獸醫話Bu B個腎有些少黑影,左邊腎黑影大D.好大可能係多囊腎.
但就算係都係好初期好初期,現階段無野可以做,
除非有腎病病徵,當腎病醫.
如果擔心可以一年後返黎再照下睇下個黑影有無大到,
雖然我唔係好滿意獸醫個講法.
起碼都可以同我講下我有咩可以做下,食D咩可以護腎.
或者糧方面有D咩要注意都可以教下我下話......

早知去返Dr.To度照,起碼上次比我感覺佢好nice,講解詳細D.
回到家,又上網搵資料,腎貓要食低蛋白,低磷腎病處方糧,R牌同H牌處方糧蛋白質約23%
BU B無腎病徵狀,但佢食ovenbaked Protein有42%.好似高左D.
磷又唔知咩黎,好少包裝袋有寫Phosphorus.
但係...我諗要幫Bu B轉隻低少少protein既餅餅.

上網搵呀搵,又搵到好多順勢療法同草本療法,
不過好多只係比腎貓用,最後搵到隻腎臟精華藥丸.
VETRI-SCIENCE - RENAL ESSENTIALS
唯有乜都試下喇.